Home » Durante su vacacion na Hulanda, PROME MINISTER TA REUNI CU ARUBAHUIS

Durante su vacacion na Hulanda, PROME MINISTER TA REUNI CU ARUBAHUIS

by Admin
0 comment 86 views

“Berdad e motibo di mi biahe ta vacacion, pero trabou ta keda exigi atencion y pa mi ta hopi importante manera mi a compromete, pa nos evita un aanwijzing”

Prome Minister Evelyn Wever-Croes durante su vacacion na Hulanda, mirando e importancia pa evita Aruba di haya un aanwijzing, a tuma tempo pa reuni cu Arubahuis riba temanan coriente entre otro e tema di landspakket y e situacion financiero di pais Aruba.

Prome Minister a tuma tambe e oportunidad pa reuni cu e ekipo completo di Arubahuis expresando su gradicimento y satisfaccion di Gobierno di Aruba pa tur e trabounan cu Arubahuis a eherce durante añanan. Durante e reunionnan aki a delibera hopi largo riba e percepcion, speransa y kico ta locual comunidad di Aruba ta spera di Arubahuis.

Ultimamente tin hopi critica den direccion di Arubahuis riba e tema di camber y cas pa studiantenan. Ta importante pa remarca cu problema aki ta uno general na Hulanda y no uno cu Arubahuis lo por soluciona. Tin un scarcedad enorme den vivienda na Hulanda y sigur pa studiantenan aworaki, pero asina mes Arubahuis y e mentornan ta haciendo nan maximo esfuerso pa logra haya un cas pa tur studiante cu ta bayendo Hulanda. Ta importante si pa tur studiante cu ta bayendo Hulanda y no tin un cas ainda pa tuma contacto cu nan mentor mas lihe posibel mirando cu nan ta den proceso di busca cas pa e studiantenan cu falta.

Prome Minister a expresa di ta hopi contento con tur su reunionnan na Hulanda a bay y ta satisfecho di palabracionnan haci durante su biahe di vacacion. “Berdad e motibo di mi biahe ta vacacion riba gastonan propio, pero trabou ta keda exigi atencion y pa mi ta hopi importante manera mi a compromete, pa nos evita un aanwijzing”, Prome Minister a expresa.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio