Home » Delwin Maduro (30), e di cuater victima di accidente fatal pa aña 2022

Delwin Maduro (30), e di cuater victima di accidente fatal pa aña 2022

by Admin
0 comment 116 views

Watty Vos Boulevard/Schotlandstraat.
Diadomingo den careda di 9’or di anochi, a sosode un accidente fatal na e rotonde di Ling and Sons riba Schotlandstraat cu Watty Vos Boulevard.

Chauffeur di un Nissan Murano blanco pa un of otro motibo, sin cera brake, a bay dal cu su auto contra e muraya di beton riba e rotonde. E victima a keda seriamente herida.

Mesora a pidi pa presencia di polis, ambulance y brandweer. Na prome instante a pensa cu despues di e impacto fuerte e chauffeur lo tabata pega den e auto y a pidi pa presencia di brandweer, pero un rato despues a bin compronde cu e chauffeur no tabata pega den e auto, pero cu e chauffeur no ta reacionando.

Ambulance a presenta hopi lihe na e sitio y e paramediconan a cuminsa traha cu e victima, pero despues di un rato nan bo por a haci nada mas p’e, e chauffeur lamentabelmente a fayece.

Polis a pidi pa autoridad competente y tambe a pidi pa presencia di departamento tecnico pa cuminsa cu e investigacionnan necesario.

E victima tabata yama Delwin Maduro y tabata tin 30 aña. Delwin tabata traha na Nagico, por a mira despues cu e informacion a cuminsa circula cu e la fayece, un cantidad grandi di su coleganan y director di e compania Nagico a presenta na e sitio. Un momento hopi tristo pa tur su coleganan y famianan. Delwin Maduro ta ruman di un bon colaborador di Arubanative.com y kende net pa casualidad a presenta na e sitio pa cubri e accidente aki y a bin nota cu ta su propio ruman tabata envolvi y cu e la perde su bida.

Henter e team di Arubanative.com ta extende su mas profundo palabranan di condolencia na famia Maduro y na su coleganan di Nagico y cu Delwin sosega na paz.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio