Bou influencia: Chauffeur herida despues cu su auto a dal contra un mata

Noord – Diadomingo marduga polis a topa un accidente altura di CMB na Noord, mirando cu e chauffeur tawata herida a pidi pa ambulance.

Tawata algo prome cu 3:30 a.m cu patruya di Noord a bay altura di banco na Noord pa un accidente cu hende herida.

Na yegada di ambulance cu a wordo pidi na e sitio a cuminsa pa atende cu e chauffeur.

Na prome instante e chauffeur no tawata desea asistencia, esaki debi cu e lo tawata bou influencia.
Locual a sosode ta cu e chauffeur a tuma un bocht mucho grandi ariba e crusada pa bay direccion Washington.

E bocht grandi aki a pone cu e la bay dal cu su Nissan contra un mata y resulta herida momento cu e la bay dal su cabes den e windshield.
Na final e logra convence pa e bay Hospitaal.