Willemstad, Corsou:
E barco Hulandes di marina, Zr. Ms. Groningen, cu na e momentonan aki ta nabegando pa Warda Costa di Caribe Hulandes, rib e anochi di 13 pa 14 di jüli a intercepta un transporte di droga.
Esaki a tuma luga na e parti sur di Corsou, e barco di marina den un tempo record a sa di para e go-fast.
Zr. Ms. Groningen i su tripulante nobo net a caba un trajecto intensivo di training y tabata tin djies un par di ora patruyando atrobe. Riba e mesun dia cu nan a caba ku nan training cu exito, nan a haña nan promé exito operacional.
Warda Costa a descubri e go-fast riba cua Zr.Ms. Gronigen y e helicòpter di Warda Costa a wordo mes ora despachá door di e Centro di Operacion Marítimo (MOC). Cu e lansamento di e dos botonan rápido di e Groningen, e asina yamá FRISC’s, pa forsa e go-fast pa para.
E tripulacion a nenga di para despues di cu a a los tiro di advertencia, y na a final e motornan a wòrdo disabilitá.
Banda di e 5 tripulante y e droga a haña tambe 4 arma di candela abordo.
Un Metal Shark di Warda Costa a tuma e tripulante, e droga y e armanan for di Groningen y a trecenan na e Punto di Sosten na Parera.
E sospechosonan y e contrabanda a wordo entrega na Cuerpo di Polis di Corsou cu lo continua cu e investigacion.
