Saliña – Diahuebs mainta rond di 10’or un señora di nacionalidad Chines a sali pafo di cas pa bati alarma.
Un dama den cercania mesora a avisa autoridad.
E señora Chines cu no por a comunica den idioma di Papiamento a trata na splica cu su casa a bira hopi malo. Den un Papiamento kibra e menciona e palabra Bij(abeha).
Den leu por a scucha alarma y den algun minuut un patruya di Noord tawata yegadando. Mesora a baha y bay paden, unda cu a bin topa cu casa di e señora for di tino ariba un stoel.
Poco poco polisnan a bin compronde cu e homber durante cu e tawata traha den e cunucu a wordo pica pa un of mas bij.
A resulta cu e homber ta alergico y mesora a bira malo y bay for di tino, unda cu a bin hay’e ta hala rosea iregular.
Agentenan mester a warda ariba Ambulance y sin por haci nada pa e homber. E parti positivo tawata cu Ambulance a yega bastante lihe y mesora Paramediconan a drenta den accion y a pone e homber den ambulance, unda cu nan lo a cuminsa duna asistencia prome cu a nan lsali pa Hospitaal.
