Home Police Bou influencia di algo?: Homber agresivo y arma cu cuchiu a wordo...

Bou influencia di algo?: Homber agresivo y arma cu cuchiu a wordo aresta na Mozartstraat

SHARE
Mozartstraat – Dialuna anochi algo pasa di 9:30 polis a bay un apartamento den Mozartstraat, unda cu lo tin un homber agresivo y cu lo a menasa famia y destrui cos.
Yegada di Polis

Na yegada di polis e homber lo a sali y den su man un cuchiu di cushina basta grandi.
Pues e la sali cu e cuchiu posiblemente cu e intencion di mustra si nan drenta kiko lo ta spera nan.

Polisnan mesora a pidi pa refuerso y alabes transportwagen.

Agentenan a cuminsa dialoga cu ne, papiando fuertemente cu ne pa e drumi abou y hala e cuchiu un banda.
Dado momento polis a bay puntra pareha di e homber si e ta duna permiso pa kibra drenta paden, mirando cu e homber no ta reacciona y tawata hopi agresivo y arma cu un cuchiu.

K9

Agente di K9 a yega y na mas cu un ocasiona a bise cu si e no entrega su mes e cacho lo wordo gelos y esaki lo bira pio pa su persona.

Despues di algun rato e agentenan hoben a sa di haci un tremendo trabou y a logra bula e cura arestando e homber.
Por a mira un agente sali cu e cuchiu cu a wordo confisca.

Bou escolta di varios agente a logra hinca e homber den transportwagen y hibe warda di Playa, unda cu despues di wordo atendi door di un Sub Fiscal a wordo translada pa Warda di Shaba.

No ta mucho duidelijk si e homber aki lo por ta sufri di un enfermedad mental of lo por a usa un of otro substancia cu a pone bira asina.