Cumana – Diabierna anochi polis y ambulance a bay poco pariba di rotonde di Cumana, pa ta exacto na e t-kruising cu ta bay pa Meiveld.
Eynan a sosode un accidente entre auto cu brommer.
Kia Sportage y brommer
Na yegada polis y ambulance ta topa un Kia Sportage y na banda drechi un brommer benta. Ariba e brommer tawata tin dos hoben, di cual uno a segun nos a compronde a resulta seriamente herida.
E tawata esun manehando e brommer.
Na e sitio nos por a compronde cu e brommer cu e dos hobennan tawata bayendo rotonde Cumana, momento cu nan a hayanan confronta cu e Kia Sportage.
E Kia Sportage lo a bay bira na su man robes pa e drenta e caya cu ta bay sali na Meiveld. Eynan ta unda e impacto a tuma luga.
Por a scucha cu e manehador di e brommer cu ta esun seriamente herida tawata grita di dolor den e ambulance, y un rato despues di a stabilisa e motociclista a sali cu urgencia direccion Hospitaal.
Investigacion
E caminda a permanece cera pa basta rato, unda cu a solicita pa departamento tecnico di polis y tambe polis di trafico cu mester a haci su investigacion.
Slachtofferhulp a wordo poni na altura pa bay Hospitaal.
