Despues di un temporada di training y fogeo, Aruba Domino Bond tin e placer di presenta e Campeonato Nacional di Domino Balashi 2022.
Amantenan di e deporte i pasatempo mas gusta pa nos Rubianonan, esta Domino, ta cla pa start sali.
Aruba completo ta keda invita pa Diabiera awor, dia 08 di July 2022, pa e gran apertura, cu lo tuma lugar na Balashi Gardens na Brouwerij Nacional Balashi Barcadera, cuminsando pa 6:30 di atardi, cu un tremendo Beer tasting y Caribbean Smooth Happy Hour, sigui pa 7:10 di anochi cu un bunita desfile di e 8 teamnan di Domino Organisa na Aruba.
E campeonato Nacional di Domino Balashi 2022, lo conta e aña aki cu e siguiente 8 teamnan: GoldStone Dt, Extreme Dt, Sport Boys Dt, Eagles Dt, NoordStars Dt, Ottleys Dt, Ayo DT, Y Old Parr DT kende ta hasi su gran regresso na nos campeonato nacional despues di 2 aña di ausencia.
E campeonato organisa aki lo wordo hunga na diferente cedenan rond di Aruba, tur Diabierna y tur Diadomingo.
E aña aki un vez mas Aruba Domino Bond ta conta cu contribushon di nos compañía cu mas tin nos deportenan local na pecho. Cu su productonan mas gusta i consumi durante i despues di wega, esta Balashi i Dewars.
Aruba henter ta wordo invita pa asisti na e apertura i e weganan pa asina apoya tur e teamnan di Domino organisa.
Extreme Dt. A laga sa di antemano cu otro gai lo canta e aña aki, mientras Old Parr DT a bisa cu e ta bin pa recobra locual ta di dje. Eagles DT tei manera un sumpiña den caminda?
Aruba domino Bond tawardabo na Balashi Garden pa e gran apertura cu bar i cushina na style di happy hour. Amantenan di domino….Campeonato Nacional di Domino Balashi 2022 ta start!
