Home » Parlamentario drs. Shailiny Tromp-Lee (MEP):  WE Aruba a resulta un exito total

Parlamentario drs. Shailiny Tromp-Lee (MEP):  WE Aruba a resulta un exito total

by Admin
0 comment 147 views

 

Pabien na tur scol cu a participa y alabes na tur cu a gana!

 

Diasabra ultimo, 25 di juni 2022, a tuma lugar clausura di Weganan Escolar, WE Aruba 2022, cu a resulta un exito total. E tremendo clausura a tuma lugar despues di 9 dia di competencia.  Un palabra di gradicimento na tur maestronan cu a haci participacion di nan scol y alumnonan posibel. Boso ta tremendo! Pabien na tur team of mucha/hoben cu a sali ganado den nan ramo di deporte. Spera bo(so) usa e experiencia aki como fuente di inspiracion pa sigui desaroyo bo(so) mes deportivamente. 

 

Durante clausura mi tabatin e honor, conhuntamente cu Minister Endy Croes, pa otorga diferente premio na esnan ganador den e diferente ramonan di deporte di e prome edicion di Weganan Escolar. Mas cu 800 alumno a participa na e ocho ramonan di deporte  di WE Aruba. Tambe a forma parti di WE Aruba un competencia di Baile Escolar cu tabata un competencia unico caminda nos a keda asombra un biaha mas cuanto talento nos mucha un hobennan tin. Un berdadero espectaculo. Mirando e exito mi a felicita Minister Endy Croes cu e proyecto completo  y e organisacion di WE Aruba. E proyecto aki sigur no lo tabata posibel sin e tremendo y trabou duro di IBISA, DCA, Ministerio di Deporte y demas ‘stakeholders’. Boso ta campeon, pabien! 

 

Mi ta spera cu na WE Aruba 2023 mas scol y mas alumno participa. Mi ta convenci cu e weganan aki ta hopi importante. Nos solamente nan ta un experiencia unico y pa bida pa nos mucha y hobennan pero tambe ta bira fuente di inspiracion pa nos muchanan sigui desaroya nan mes deportivamente. 

 

Un biaha mas masha masha pabien na cada un persona, instancia y stakeholders cu a haci WE Aruab posibel.  

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio