ORANJESTAD, Aruba – 28 juni 2022: Debi na mal tempo cu ta na caminda, Lotto, E Loteria di Aruba ta informa tur su hungadonan cu no lo tin sorteo di merdia y anochi ariba diaranson 29 di juni. E sorteo di Lotto 5, lo hunga diasabra 2 di juli.
Diahuebs lo tin sorteo di merdia y anochi pero lo keda monitor e tempo y si tin algun cambio Lotto lo informa ariba medionan social.
Oficina principal di Lotto na San Nicolas y Playa lo ta cera diaranson 29 di juni y diahuebs 30 di juni. Riba diabierna 1 di juli 2022, oficina principal di Lotto na San Nicolas y Playa lo ta habri na su orario normal. Lotto ta pidi disculpa pa cualkier inconvenencia cu esaki por causa.
Lotto, e loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.