Home » GOBIERNO DI ARUBA TA APLAUDI Y SOSTENE INCIATIVA DI SNBA CU NAN PRESENTACION DI PROYECTONAN PA SAN NICOLAS

GOBIERNO DI ARUBA TA APLAUDI Y SOSTENE INCIATIVA DI SNBA CU NAN PRESENTACION DI PROYECTONAN PA SAN NICOLAS

by Admin
0 comment 104 views

 

 

ORANJESTAD – Diahuebs Prome Minister Evelyn Wever – Croes a asisti presentacion di San Nicolas Business Association (SNBA), caminda cu nan a presenta informacion di varios proyecto pa San Nicolas. Prome Minister ta felicita y gradici San Nicolas Business Association pa e oportunidad y pa organisa e eventonan aki. 

 

San Nicolas ta den pleno desaroyo y tin hopi oportunidad, e tarea di Gobierno den esaki ta pa facilita, agilisa y stimula e proyectonan aki. Prome Minsiter Wever – Croes a expresa cu hunto cu DOW y DIP mester desaroyo diferente plan especialmente cu enfoke riba San Nicolas, pa trece desaroyo den San Nicolas, pa San Nicolas. 

 

A pesar di tur locual Aruba a pasa aden y ta recuperando di dje den cuadro di Covid, awor tambe tin e situacion di aumento di prijs a consecuencia di e conflicto cu tin entre Rusia y Ukraina. Sinembargo, Aruba ta sigui lucha pa bay dilanti cu e meta pa pa ‘bounce forward’, y den esaki desaroyonan na San Nicolas ta hunga un rol importante. ‘San Nicolas por trece oportunidad grandi pa Aruba y ohala por logra pa incentiva mas hende pa tuma e paso pa inverti,’ Prome Minister a expresa. Gobierno ta haciendo tur cos pa sostene e desaroyonan aki, ta consciente di retrasonan cu tin y ta sigura cu tin atencion pa esaki. 

Concluyendo, Prome Minister a expresa aprecio pa locual SNBA ta haci y cu a pesar di tur cos ta busca pa coopera, pa ta constructivo y pa solucionnan.’ Ta sigura cu nan por conta cu sosten di Gobierno y ohala cu hunto por logra e desaroyo cu ta busca pa San Nicolas y pa Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio