Home Dutch Kingdom Carta manda na: Su Alteza Mahestat Rey Willem Alexander y Prome Minister...

Carta manda na: Su Alteza Mahestat Rey Willem Alexander y Prome Minister Sr. Mark Rutte Bonaire, 27 juni 2022 Su Alteza Willem Alexander, Honorabel Sr Rutte 

SHARE

 

Mi ta skirbi e karta aki komo follow up riba nos reunion personal riba 16 november na Bonaire I e  kartanan siguiente. Espesialmente mi kartanan na su Alteza di 9 di juni 2017, 22 oktober 2017 I 4 di juli 2018  basa riba bo promesa na mi I na pueblo di Boneiru riba e violashonan di e Karta Magna di Nashonan Uni,  Derechonan Humano I Ley Internashonal dor di bo gobierno di Reino Hulandes. 

Manera su Alteza lo ta na altura di dje ta ku bo promesa no a wordu kumpli, de lo kontrario esaki a  wordu kibra I bo gobierno abusando nan poder I sin remordimiento illegalmente a aneksa nos pueblo I nos isla i  ankra nos den bo konstitushon na Oktober 2017 bao di derechonan desigual violando tur derechonan di  humanidat.  

Manera su Alteza lo sa kaba ku e gobierno Hulandes resientemente a instrui tres eksperto konstitushonal  I legal Hulandes, Profesor dr Gert Oostindie, Profesor Gerhard Hoogers I dr Wouter Veenendaal pa investiga nos  organisashon su kontinou denunsianan I protestnan di violashonan di e Karta Magna di Nashonan Uni di  derechonan di outodeterminashon I derechonan humano I ley internashonal desde e aneksashon illegal na 10-10- 10. Ta mesun kos ku ami a informa su Alteza den nos kombersashon na September 2013. 

Pa su Alteza su informashon e ekspertonan aki den un resiente komunikado di prensa I raport a admiti I  konfirma ku nos isla Bonaire I e anterior Antia Hulandes su dekolonisashon nunka a wordu konfirma pa  Nashonan Uni. I ademas ku Bonaire I e otro islanan di anterior Antia Hulandes inhustamente a wordu kita for di  lista di Nashonan Uni ora ku bo gobierno a duna su mes interpretashon na artikulo 73 di e Karta Magno di  Nashonan Uni. Ku Hulanda inkorektamente a wordu absolve di su obligashonan I kumplimentu ku artikulo 73  ora ku a implementa statuut na 1955. 

Pa nos komo Boneiru e admishon di e berdat aki ta un stap gigantesko, riba e kaminda di wordu pone  bek riba lista di Nashonan Uni di Teritorionan-Sin-Propio-Gobernashon. Manera su Alteza por korda ku su  Alteza a kuestionami seriamente ku loke mi ke si ta independensia mi ke, kaminda ami a kontesta na su Alteza  ku No. Lo ke mi ke ta pa nos pueblo su derechonan di outodeterminashon wordu restora I respeta di akuerdo ku  artikulo 73 di Nashonan Uni.  

Mundo a wordu enganja ku nos komo anterior Antia Hulandes tabata liber I igual den bo Reino. Dor di e  resiente atmishon historiko despues di kasi 70 anja pa su Altesa su mes ekspertonan konstitushonal ku a ekspone  ku bo gobierno desde 1954 inhustamente ta kontinuando violando Karta Magno di Nashonan Uni I  konvenshonan di derechonan humano ku boso mes a firma.  

Resientemente nos a risibi indikashonan hopi preokupante ku bo servisio di intiligensia tin tur mi  komunikashonan personal di wire-tap. Pa medio di esaki karesidamente mi ta solisita su Alteza su influensia I  koperashon pa stop gobierno Hulandes imidiatamente ku e praktikanan ilegal di violashon di mi derechonan  humano.  

Aparentamente mi a bira viktima di su Alteza su gobierno su akshonan politiko represivo, pasobra tabata  tin tres atentado kontra mi bida, na September 2012, Januari 2015 I na Juni 2017 I ami a wordu ilegalmente  aresta na September 2019 tur esaki pa para kontra I alsa mi voz kontra su Alteza su gobierno su violashonan  derechonan humano i artikulo 73, boso mes su berdatnan ku awor a wordu admiti pa boso mes ekspertonan. 

Finalmente mi no tin otro opshon pa pone su altesa su gobierno responsabel pa kuaklier atentado kontra  mi bida. 

Nos ta spera ku su altesa komo nos Rei, kual nos tur ta respeta altamente, lo tuma e responsabilidat pa  hasi tur lokual ku ta den bo poder pa logra bo gobierno su koperashon pa debolbe nos riba e lista di Teritorionan Sin-Propio-Gobernashon di Nashonan Uni. Di akuerdo ku Arikulo 73 bo gobierno tin obligashon di restora nos  derecho di emansipashon i kreashon-di-nos-nashon i nos propio-gobernashon bek na nos pueblo manera su altesa  a priminti ami 16 november 2013, I Reina Wilhelmina a priminti Nashonan Uni I mundu I a firma esaki riba 26  Juni 1945 I e Lei di Reino di 1 Juli 1863, kaminda nos tur ta igualmente mesun humano I igualmente mesun  liber. 

.