Raad van advies ta bise hopi cla: “De Raad merkt op dat de neveneffecten van het voorstel niet alleen functionarissen met een hoge functie kunnen betreffen, maar ook het loongebouwe en de organisatiestructuur als geheel zullen raken”. Mas cla e no por ta, segun mr. Mike Eman, locual Raad van Advies ta adverti pe ta cu e ley aki no ta e Director so finalmente su salario lo keda reduci, pero por ehempel na WEB, Elmar of Setar di e director te pa e electricien y esnan den mantencion, na Banco Central, APFA, AZV, ATA, AAA di e director te cu e administrador, secretaria y e bode”, tur lo biba e consecuencia di e ley aki.
Contestando mi persona Evelyne Wever Croes a bisa cu no ta su intencion pa laga e ley aki “tricle down”. Si esey ta e caso lo e corrigi esaki ora constata e efecto aki. “Mi no por bisa otro cu esaki ta un mentira di parti di Evelyne Wever Croes”.
Mr. Mike Eman ta cita locual Gabinete Wever Croes mes ta bisa: “De normering van de topsalaris binnen de verschillende entiteiten zal mijn inziens uiteindelijk WEL moeten leiden tot een herziening van de totale loonstructuren in die ondernemingen”. Evelyne Wever Croes ta admiti, den papelnan cu pueblo no ta mira, cu si e ta su intencion pa e ley aki afecta henter e structura di salario di tur cu ta cai bao di dje.
Tambe Raad van Advies ta alerta pa perdida di profesionalnan den e sector publico y semi publico. RvA ta bisa cu no tabata tin un estudio di e impacto negativo cu e ley aki lo tin pa haya y mantene profesionalnan: “Voorts mist de RvA een arbeidsmarkt onderzoek in dier voege in hoeverre ervan mag worden uitgegaan dat in de publieke en semi publieke sector ..nog steeds voldoende gekwalificeerde en deskundige topfunctionarissen gevonden en behouden kunnen worden”.
Lider di fraccion di AVP, mr. Mike Eman ta bisa cu tur instancia envolvi y cu fraccion di AVP a consulta ta teme tambe cu e efectonan negativo di e Ley aki: 1. Perdida di profesionalnan den e compania y institutonan aki y debilitacion di e empresanan y institutonan dor di esaki; 2. Perdida di oportunidad di trabao atractivo pa nos profesionalnan na Aruba y esunnan studiando cu nos kier bek; 3. E companianan y institutonan aki lo no por competi mas pa profesionalnan pa fortifica y garantisa calidad y progreso di nan operacion, e profesionalnan lo escohe pa sectornan cu si por ofrece nan locual ta nan valor; 4. Finalmente e compnianan y institutonan aki lo bai atras, gerencia y empleadonan lo bai atras, calidad di maneho y operacion lo bai deteora y Aruba den su totalidad lo sali perdi.
E lider di fraccion di AVP, mr. Mike Eman ta lamenta e danjo aki cu Gabinete Wever Croes ta bai causa na e profesionalnan cu ta carga e companianan y institutonan aki. Eman ta bisa cu nos mester para keto y pensa con excepcional e ta cu na un isla chiquito manera Aruba cu apenas 100.000 habitante e maneho y operacion di insitutonan hopi complica den nan tarea y operacion, manera Banco Central, APFA, AZV, WEB, ELMAR, SETAR, Respaldo, AAA ta worde carga 100% pa gerentenan y empleadonan local. “Profesionalnan di tur nivel di nos sociedad ta carga e companianan aki dor di temponan dificil y haci cada un di nan cumpli cu nan tarea primordial na un manera sumamente professional”, mr. Mike Eman ta envatisa. E ta lamenta cu Gabinete Wever Croes no ta importa e danjo cu e ta causando cu e ley aki. Según Eman e temanan aki mester a bai na mesa di un Dialogo Social pa a yega na otro areglonan, pero atrobe Gabinete Wever Croes ta impone leynan inhusto y iresponsabel riba pueblo.