Home » Segun drs. Mervin Wyatt-Ras(AVP): Ley di normering topinkomens(LNT) lo perhudica salud mental 

Segun drs. Mervin Wyatt-Ras(AVP): Ley di normering topinkomens(LNT) lo perhudica salud mental 

by Admin
0 comment 78 views

 

 

Den un entrevista Parlamentario drs. Mervin Wyatt-Ras a trece dilanti cu dialuna awor lo trata den parlamento e ley cu di normanan pa cu “topinkomens”, esta e normanan pa cu entradanan di funcionarionan den cierto entidadnan gubernamental, semi-gubernamental y fundacionnan. 

E ley a drenta Staten dia 3 nov 2021. A reuni porta sera cu diferente entidadnan pa nan opinion encuanto e ley aki cu lo afecta no solamente salarionan halto, sino alabes esnan cu tin un salario mas abou. Entre otro a reuni cu WEB NV, Elmar, SETAR NV, sindicato, AirPort, Centrale Bank y APHA. 

 

Esnan cu a acudi na reunionnan cu Parlamento a trece nan preocupacion padilanti.  

Ta anticipa cu e ley lo afecta e “loongebouw” di e entidadnan, esta tur salarionan di henter e compania. Ta  anticipa pues un “trickledown” effect, dor di cual esnan cu tin menos salario tambe lo sinti e efecto den nan entrada mensual. Alabes a expresa preocupacion pa loke ta trata personanan cu ta specialista den un of otro tereno cu no lo ta atrai mas pa bin traha na e companianan cu no lo por ofrese nan un salario atractivo. Tin di e specialistanan existente cu por haya trabou na un otro pais no lo keda mas. E ley aki lo por afecta alabes concurencia cu expertonan di exterior cu lo gana mas cu expertonan local. Esaki no ta justo. E falta di valor pa nos expertonan lo ocasiona un “braindrain”. Esta cu nos expertonan lo bandona nos pais pa bai traha den exterior cu salarionan y condicionnan di trabou mas atractivo. Tambe a menciona cu tin cu tene cuenta cu cierto entidadnan tin cu competi riba mercado y cu exterior y ta necesario pa nan tin expertonan cu por garantisa nan posicion competitivo. 

 

Por a tuma nota alabes di e nota di cambio ariba e ley den cual ta amplia e entidadnan cu cai bou dominio di e ley den articulo 2 inciso 1, parti d. Aki ta agrega Fundacion Salud Mental Aruba Respaldo na e parti di Salubridad. E motibonan den e splicasion di e ley ta cu e fundacion ta haya entrada via di AZV y cu un di e miembronan di Raad van Toezicht di e fundacion ta tuma lugar bou encargo di e ministerio di Salubridad. 

Esaki mientras den articulo 4 di e ley ta indica cu e no ta aplica pa funcionarionan top manera dokter, dentista, boticario. 

Aki por mira cu enbes cu e gobierno aki sostene salud mental enbista di diferente problemanan cu ta ser senjala manera depresion, angustia y otro problemanan spycho-social y cantidad di casonan ta mas halto y creciendo, por mira cu no tin suficiente atencion pa salud mental dor di e gobierno aki. 

 

Ta lastima cu kier baha salarionan y limita entrada di cuidadanonan cu ta yuda carga nos economia y di e forma aki baha e poder di compra mas ainda. Ta compara Aruba cu otro paisnan den region pero no por a compara Aruba nunca cu otro paisnan, mirando nos desaroyo. Semper nos economia tabata mas fuerte financieramente. 

Di otro banda gobierno no ta baha su gastonan di goederen en diensten. Ainda tin nombracion continuo di friends and family, gastonan masha halto di abogado, huur di edificionanan di friends and family, auto caro cu e minister di financiën a lease y fiestanan di ministernan. 

 

E minister presidente kier castiga nos pueblo pa por cumpli cu e palabracion cu ela a haci cu Hulanda pa pasa e ley aki di Normering Topinkomens”.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio