Home Dutch Kingdom Ekspertonan konstitushonal I legal ta konfirma violashonan di Karta di Nashonan Uni...

Ekspertonan konstitushonal I legal ta konfirma violashonan di Karta di Nashonan Uni dor di Hulanda

SHARE

 

 

Un paso grandi a wordu realisa riba e trajektoria pa re-inskripshon riba lista di Teritorionan-Sin-Propio-Gobernashon di Nashonan Uni (TSPG NU) siman pasa ku e atmishon historiko dor di ekspertonan Hulandes ku Hulanda ta violando e Karta di Nashonan Uni I artikulo 73 – Bonaire ta un stap mas serka pa wordu pone bek riba lista di TSPG di NU 

 

Den un komunikado di prensa riba nan raportage, tres eksperto konstitushonal I legal Hulandes, Profesor, dr Gert Oostindie, Profesor Gerhard Hoogers, I dr Wouter Veenendaal a admiti I konfirma ku Bonaire I e eks- Antia Hulandes su dekolonisashon nunka a wordu konfirma pa Nashonan Uni. I ademas ku Bonaire I e otro islanan di eks-Antia Hulandes inhustamente a wordu kita for di lista di Nashonan Uni kaminda Hulanda a duna su mes interpretashon na artikulo 73 di e Karta Magno di Nashonan Uni. Hulanda a wordu inkorektamente absolve di obligashonan pa raporta I kumplimentu ku artikulo 73 ora ku nan a implementa Statuut na 1955. 

 

E gobierno hulandes a instrui e ekspertonan konstitushonal I legal pa investiga e denunsianan I protestanan kontinou desde e aneksashon illegal na 10-10-10 di spesialmente sr James Finies I Nos Ke Boneiru Bek (NKBB) riba violashonan di Hulanda di e Karta di Nashonan Uni riba outodeterminashon I derechonan humano I di ley internashonal. 

 

Awe ta kumpli 6 anja di aniversario kaminda ku James Finies komo e prome Antiano riba 22 di Juni 2016 a hasi un presentashon historiko na e Komite di Dekolonisashon C24 di Nashonan Uni na New York denunsiando e atrosidatnan komete pa Hulanda kontra di e pueblo Boneriano den violashon di Karta di Nashonan Uni, artikulo 73, ley internashonal, I derechonan humano I di outodeterminashon. Konmove pa  e relevashon aki e delegadonan, ambasadornan a enkurasha nos pa Bonaire wordu pone bek riba e lista pa asina nan por yuda nos. Nan a hinka un plan I trajektoria den otro pa nos por hanja Bonaire bek riba e lista di TSPG, pa asina ofisialmente nan por yuda, sostene I asisti e pueblo di Bonaire huntu ku Hulanda pa kumpli ku artikulo 73 I restora e derechonan di e pueblo Boneriano bek. 

 

E ekspertonan legal Hulandes a prueba ku e denunsianan I obheshonan di NKBB I Bonaire Human Rights di e ultimo 12 anjan ta korekto. Nos kier a felisita nos mes I e pueblo Boneriano ku e viktoria aki I ta selebrando pa a sigui kere den nos trajektoria pa wordu pone bek riba lista di Nashonan Uni. Tur Boneriano mester ta orguyoso I sinti nan mes honra e momento aki kaminda ku sosiedat sivil a gana un parti di e bataya kontra di e kolonisado di mas kruel di historia. 

 

E konklushon di e ekspertonan Hulandes ta konfirma I hustifika e lucha I trajektoria di NKBB I Bonaire Human Rights ku a kana un kaminda largo ku determinashon I konsistensia eksponiendo e situashon kolonial di Bonaire I kreando konsiensa riba nos re-listing; meskos ku Nueva Caledonia na 1986 I Polynesia Franses na 2013 a wordu pone bek riba e lista TSPG di NU.

 

NKBB I Bonaire Human Rights ku ta aktualmente na Sentro Amerika kreando konsiensa riba e kaso di Bonaire ta marka awe di 126 dia luchando pa e derechonan fundamental di e pueblo Boneriano. Un danki grandi na tur hende, I spesialmente na esnan ku a keda kere den nos I a sostene nos pa medio di donashonan pa e investigashon di propio-gobernashon I pa e kampanja di S.O.S. Bonaire Lives Matter trajektoria pa bai bek riba lista di Nashonan Uni.