Home Sports Representante di Vasquez Contractor, Danyela Vasquez, a haci entrega di e canchanan...

Representante di Vasquez Contractor, Danyela Vasquez, a haci entrega di e canchanan nobo di bolas na Stichting Centro di Bario Santa Cruz

SHARE

Santa Cruz:
Vasquez Contractor & Sales N.V. durante varios aña ta aporta di un manera of otro na comunidad di Aruba, specificamente na nos deporte y na e team di SV Estrella di Santa Cruz. Ultimamente na aña 2020 Vasquez Contractor a aporta na uniform nobo pa division nan di Mini Baby y Mini Mini Baby di Estrella.

Diasabra den oranan di atardi e representante di Vasquez Contractor, Danyela Vasquez, a haci entrega di e canchanan nobo di bolas na Stichting Centro di Bario Santa Cruz. Hunto cu representantenan di CdBSC Sr. Walter Maduro y Sr. Roberto Geerman, Presidente Sr. Michel Lopez tawata tin e honor di corta sinta y asina inaugura e canchanan aki.

Vasquez Contractor a haci contribucion di material y trabou pa por completa e canchanan di bolas, pa e bario di Santa Cruz por tin un espacio dedica na e deporte di bolas. E dos canchanan nobo aki ta situa net panoord di e veld di futbol di SV Estrella. 

E canchanan di bolas a wordo inaugura di biaha cu un competencia di bolas di famia Vasquez dedica na dia di tata. Asina Vasquez Contractor como compania cu mas di 30 aña di servicio na comunidad di Aruba, ta sigui aporta na nos comunidad y na mehoracion y promocion di deporte. 

CdBSC ta gradici Vasquez Contractor pa nan aporte pa realisa e canchanan di bolas.