Home » Corte na Hulanda a sentencia un homber 1 aña y mey di castigo di prison, pa abuso sexual di 27 mucha homber

Corte na Hulanda a sentencia un homber 1 aña y mey di castigo di prison, pa abuso sexual di 27 mucha homber

by Admin
0 comment 77 views

Arnhem, Hulanda:
Recientemente corte na Hulanda a sentencia un homber procedente di e cuidad Arnhem cu un castigo di prison di 1 aña y mey, e homber aki a wordo gelink cu sigur un 30 caso di abuso sexual.

Segun Corte na Zutphen e homber Roeland P. (47) a abusa di 27 mucha homber menor di edad. Pa e casonan aki hues a sentencia Roeland cu 3 aña di castigo di prison di cual mitar ta voorwaardelijk. Banda di esaki P. a haya un proeftijd di 5 aña y tambe e mester paga cada mayor di e muchanan aki un suma di 500 of 750 Euro como daño di perhuicio.

E castigo cu hues a dicta tabata mas pisa, cu locual Ministerio Publico a exigi. Na cuminsamento di juni, officier van Justitie a exigi 3 aña di castigo di prison, di cual dos aña ta condicional, tambe a pidi 240 ora di taakstraf/ trabou comunitario.

Corte a dicta un castigo mas pisa di locual a wordo exigi pa Ministerio Publico, pa motibo cu hues ta haya cu ta trata di un cantidad grandi di victima y tambe e abusonan sexual a tuma lugar durante un periodo basta largo, entre 2014 cu 2020.

Roeland P. tabata un docente na Fries Gymnasium durante schoolreisjesnan, e tabata gara su victimanan.  E tabata seducinan cu un storia cu e ta bay prepara un speurtocht y cu e mester ayudo di e muchanan. Despues e ta papia su victimanan y convencenan pa mustr’e nan parti intimo, mayoria a coopera completamente cu nan meneer, mientras cu Roeland scondi tabata filma su victimanan. Durante interogacion Roeland P. mes a declara cu por ta trata di mas di 200 mucha, cu e la molestia sexualmente.

Roeland a admiti den Corte cu den un di e casonan a bin na mishimento tambe y di cual e mes a bisa cu e la pasa e grens. E  la declara den corte abiertamente cu e ta un pedofiel desde su 17 aña y cu e ta gusta mucha hombernan di rond di 12 aña.

Na 2012 ela wordo saca for di un grupo di scouting pa motibo cu e lo a mishi cu mucha y e tabata keda pasa e grens, esaki Roeland mes a splica den corte. Como hobby e tabata core hopi rond riba bais y descubri sitionan unda tin mucha homber nan  ta hunga. P. tabata bin facilmente den contacto cu su victimanan, y nan tabata cay facilmente den su weganan. Asina e tabata haci yen di wega cu e muchanan, tur tin di haber cu nan parti intimo, ponenan pishi den botter, pishi pa paga candela etc. Tambe e tabata splicanan tocante masturbacion, laganan haci’e pa e mira.

Despues cu Roeland P. a wordo deteni, e la entrega polis un diario, den dje e la skirbi di tur su actonan di pedofilia.

Corte a confirma cu locual e la filma di su victimanan ta kinderporno y esaki a keda prueba cu P. tabata den posesion di kinder porno.

Officier a declara den corte cu P. ta un sospechoso hopi habri, inteligente y hopi cooperativo.

Hues durante sentencia a pone un condicion extra cu Roeland lo mester bay bou tratamento y su computer lo wordo controla regularmente si tin potret of video di kinderporno. Tambe bou niun condicion e no mag ehecuta su trabou como docente y ta prohibi pa tin contacto cu menornan di edad.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio