Home Local Trabounan a cuminsa pa e directiva nobo di TOPA Comision di Eleccion...

Trabounan a cuminsa pa e directiva nobo di TOPA Comision di Eleccion a entrega raport di resultado na Presidente Alonso Tromp

SHARE

ORANJESTAD, Aruba – 16 di Juni 2022: Manera ta conoci caba, TOPA tin un directiva nobo despues di a tene nan eleccion di directiva dia 31 di mei ultimo.

Pues e resultado di e eleccion aki a keda den encargo di comision di eleccion, cual a consisti di Sra. Magaly Koolman, Sra. Mishe Willems-Croes, Sra. Luisa Werleman y Sr. Claudio Dorothal.
Sra Koolman a hiba un discurso chikito y haci entrega oficial di e resumen di eleccion na presidente Alonso Tromp, manera a priminti.
Sr Tromp a keda masha agradecido pa e bon trabou y empeño di dicho comision. “Di parti di directiva, nos tin un aprecio grandisimo pa boso tarea y tin pleno confiansa di por conta cu boso pa mas tareanan cu lo tin den futuro na bienestar di nos organisacion”, Alonso a expresa.