Home » “ARUBA ONE HAPPY ISLAND LIONS CLUB TA CUMPLI SU PROME LUSTRO SIRBIENDO ESNAN DEN COMUNIDAD CU TA DEN NECESIDAD”

“ARUBA ONE HAPPY ISLAND LIONS CLUB TA CUMPLI SU PROME LUSTRO SIRBIENDO ESNAN DEN COMUNIDAD CU TA DEN NECESIDAD”

by Admin
0 comment 64 views

ORANJESTAD – Awe 16 di juni ta exactamente 5 aña pasa cu Aruba One Happy Island Lions Club a wordo reconoci pa Oficina di Lions Club Internacional como un club di Lions. Tabata un soño di algun ex miembro di Leo Club of Aruba di añanan 90 cu e pasion pa sigui sirbi nos comunidad, cu a bini hunto cu e deseo pa funda un club di Lions nobo na Aruba. Despues di a cumpli cu e rekesitonan pa esaki, a haya e aprobacion y asina e club a bira uno oficialmente reconoci. Aruba OHIL Club a wordo funda durante festeho di e centenario (100 aña) di e organisacion di club di servicio mas grandi na mundo, Lions Club Internacional. 

 

5 aña sirbiendo nos comunidad

Como un club hoben di apenas 5 aña di existencia e club a sobresali den su proyectonan na bienestar di nos comunidad manera e.o. varios “Beach clean-up” na Plastic Beach cual beach a wordo adopta pa Aruba OHIL Club, e “Paranda pa nos Clasiconan” na cas di nos grandinan (SABA), “Campaña di Conscientisacion pa Un Trafico Sigur”, “Sinterklaas pa nos personanan special” durante Paranda di Bochincha, “Anualmente ta participa den e proyecto Aruba Doet”, Blood Donor Drive na Banco di Sanger, Proyecto anual pa Conscientisa nos muchanan di scol riba e malesa di Diabetes, Actividad pa personanan special, Campaña Preventivo y Charla pa nos Comunidad tocante malesa di Diabetes, Ayudo na Fundacion Pa Nos Comunidad y Rode Kruis, Coleccion di Cuminda, Paña y Coy hunga pa famianan den necesidad, Campaña di Prevencion Contra Covid19, Actividad y Regalo pa Muchanan di menos recurso, Back 2 School, Bishita na Cas di nos Grandinan, Plantacion di Mata den Parke Arikok, Reciclahe di Monturanan di Bril pa esnan cu tin mester, Yuda muchanan di famia di menos recurso cu bril di bista, Competencia di Cartel di Paz pa muchanan di scol basico, Colecta Fondo pa Wilhelmina Kankerfonds, Donacion na varios instancia y persona den menos recurso, Patrosina fundacion di Delta Aruba Leo Club, club di hobennan y asina crea mas lider pa mayan. Tur esakinan y mas ta danki tambe na e comunidad cu ta sostene e club pa asina por a logra un cantidad di proyecto pa esnan den necesidad. Aruba One Happy Island Lions Club tin e compromiso pa sigui sirbi nos comunidad cu ta den necesidad.

 

Aruba One Happy Island Lions Club ta agradecido

Aruba One Happy Island Lions Club ta orguyoso y contento pa forma parti di comunidad y ta gradici tur su miembronan, nan famia y boluntarionan, Oficina di Lions Club Internacional, Patrosinador Districto E-1 y Club de Leones Cabimas Costa Oriental, Clubnan ruman den Zona; Aruba Lions Club – Curaçao Lions Club – Bonaire Lions Club, Clubnan y autoridadnan di Districto E-1 y Districto Multiple 35 y Districto 35N. Gratitud special na e comunidad local, comerciante- local, prensa en general (radio, corant, social media y television) y demas persona-, instancia- y organisacionnan manera e.o. Cuerpo Policial, FADA, Fundacion Zinnia, Rode Kruis, Aruba Reef Care Foundation, Bureau Rampenbestrijding Aruba, Aruba Doet, Fundacion Parke Arikok, MFA, Centro di Bario Playa Pabou, Sra. Dientchie Hassel, Dr. Dellanire Maduro, Mr. Sergio Winterdal, Nos artistia Internacional Jeon, Opticanan Local, Fundacion Pa Nos Comunidad, Cede Aruba, Parke Arikok, Radio Latina, Wilhelmina Kankerfonds, Centro di Bario Tanki Leendert, Departamento di Cultura, CCDN, Swingmasters, High Performance, Party Express y tur otro compania cu semper a coopera cu e club. Nos disculpa si nos por a lubida 

 

Aruba OHIL Club ta sigui conta cu mesun cooperacion y sosten di un y tur

Ta danki na e contribucion y cooperacion di cada uno awe nos organisacion ta cumpli su prome lustro, 5 aña di existencia cu exito y cu hopi animo y dedicacion nos lo sigui sirbi nos comunidad cu curason, pasion y amabilidad. Ta un miembro di un Club di Lions, ta mas bien un forma di biba, caminda cu e miembro Lions ta semper atento pa e desaroyo den nos comunidad y ta cla pa yuda pa un mihor mayan, manera e dicho “Where there’s a need, there’s a Lion”, unda cu tin un necesidad, tin un miembro Lions cla pa yuda. Bo tambe kier yuda nos organisacion tuma contacto cu un di nos miembronan.

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio