Diamars ultimo Jahë Bikker hunto cu su 2 preparador nan Tyrone Farro y Junior Hassell a biaha pa e bunita cuidad di Bogota, Colombia.
Jahë a bay pa participa den e certamen cu ta creciendo y ta birando uno sumamente grandi rond mundo cu ta e Universal Queen International dirigi door di Allesandro Pineda.
Jahë semper a gusta e mundo di beyesa pero no por a competi nunka paso no tabata tin categoria plus size.
Pero awendia mundo a bira moderno y pa kibra e stereotype di Miss a bin cu e categoria Plus Size.
Diahuebs tabata tin e prome evento cu tabata un Fashion Show. Aki Jahë mester a presenta un trahe di extravagancia, un trahe di profeshon, badpak y elegancia.
Ariba e prome anochi aki caba Jahë a logra bai cu tur e titulo nan den su categoria.
Miho trahe di extravagancia, miho trahe di profeshon, Miss Elegancia y Miss Actitud.
Ariba e segundo dia nan a bai un paseo na parque Jaime Duque cual ta un parke sumamente grandi cu hopi atraccion.
E anochi final cu tabata diasabra nochi 11 Juni Jahë a logra e titulo maximo di Plus Universal Queen International 2022.
Diadomingo atardi den careda di 4’or Jahë la yega cu e corona y sigur a haci un bon papel y pone Aruba su nomber na halto internacionalmente.
Nos parti di Arubanative.com no kier a manda un pabien grandi na Jahë Bikker cu su logro grandi y cu e sea un inspiracion pa otro.
