Home Politics WEWE MASCOTA DI WEGANAN ESCOLAR (WE) ARUBA 2022 A BISHITA PRINSES AMALIA...

WEWE MASCOTA DI WEGANAN ESCOLAR (WE) ARUBA 2022 A BISHITA PRINSES AMALIA BASISSCHOOL.

SHARE

 

 

 

ORANJESTAD: Falta algun dia pa Weganan Escolar 2022 inicia unda cu mas di 1200 mucha di binti diferente scol ta participa den ocho diferente disciplina for di 17 pa 25 di juni.

Weganan Escolar ta un competencia pa alumnonan di scol preparatorio, basico y avansa cu ta competi den ocho diferente disciplina. Scol preparatorio lo participa den ‘kids run’ y ‘kids athletics’. Scol basico lo competi den futbol, volleyball, basketball, beach tennis, badminton, dammen y ‘kids run’. Scol avansa ta participa den baile deportivo y baseball5. Un di e metanan di WE Aruba ta pa promove deporte bou di nos alumnonan di scol preparatorio, basico y

avansa. Banda di esaki deporte ta crea amistad y ta trece hopi positivismo cune sin lubida cu

e ta sano. Deporte ta fomenta union y alegria.

 

En conexion cu e preparacion pa e gran apertura di Weganan Escolar (WE) Aruba 2022, mascota WEWE a bishita e scol Prinses Amalia Basisschool diahuebs mainta durante pauze pa saluda tur e muchanan alabes desea e alumnonan exito. E muchanan a ricibi WEWE cu hopi entustiasmo y alegria. E alumnonan tabatin un sonrisa na nan cara, nan por a hunga un rato cu WEWE como tambe a saca potret. 

 

Ministerio di Enseñansa y Deporte y IBISA ta invita pueblo di Aruba pa e gran apertura di Weganan Escolar cu ta tuma luga otro siman diabierna 17 di juni, 2022 cuminsando pa 6’or di atardi den Compleho Deportivo Guillermo Prospero Trinidad na Dakota. Directamente for di Italia Denzel Dumfries, ken ta haci apertura y asina duna inicio na e Weganan Escolar 2022.  Ban apoya nos muchanan y disfruta di un mahestuoso show di apertura.