Home Local NV Elmar cu anuncio importante

NV Elmar cu anuncio importante

SHARE

For di ayera nochi pa mas menos 7.20 p.m. ELMAR a haye ta confronta cu un interupcion di coriente den Dakota y vecindario.

Mesora nos tecniconan a sali pa atende cu esaki y a dura basta pa por a logra localisa unda precisamente e fayo aki a origina.
Por a logra suministra coriente bek den algun area alrededor di 8’or p.m. te cu 3’or di marduga.

E problema mes a resulta di ta uno grandi, cu un kabel di 12.000 volt bao di tera, den vecindario di Karawarstraat.
ELMAR su tecniconan di ayera nochi ta trahando incansablemente pa por resolve e problema aki, cu te ainda tin algun area den Dakota afecta.

Nos tecniconan ta haciendo nan maximo esfuerzo pa por reconecta e suministro di coriente lo mas lihe cu nan por, pero ta premira cu esaki por dura un 3 pa 4 ora ainda.

ELMAR ta pidi su disculpa na nos clientenan cu ta afecta pa e interupcion di coriente aki.