Home Politics MINISTER ENDY CROES TA FELICITA IMELDA KLEUTERSCHOOL CU PRESENTACION  DI NAN LOGO...

MINISTER ENDY CROES TA FELICITA IMELDA KLEUTERSCHOOL CU PRESENTACION  DI NAN LOGO NOBO

SHARE

 

 

ORANJESTAD: Diabierna ultimo Minister Endy Croes tabata presente na Imelda Kleuterschool pa un ocasion hopi special caminda e scol a desvela nan logo nobo. Tambe a presenta e himno adapta di e scol. Tabata un mainta yena cu energia, color y alegria. Presente tambe pa compaña e docentenan y alumnonan riba e dia special aki tabata directora di SKOA sra. Anuesca Baly. Minister Endy Croes a hiba palabra unda e la bisa e muchanan pa laga e nificacion di e logo aki sirbi como inspiracion y cu dia di mañan, nan ta esnan cu lo bay dirigi pais Aruba. Algun tin un soño pa bira deportista otronan kisas pa bira polis, doctor etc. Minister Endy Croes ta convenci cu door di e estimulo cu e docentenan ta duna e alumno, nan por haci nan soño bira un realidad. E mandatario di Enseñansa a pidi e alumnonan pa scucha di nan docentenan y pa haci bon mucha cu otro, pasobra nos tur tin mester di otro. 

 

Endy Croes ta felicita cabesante sra. Lisi Paris como tambe e docentenan y tur esnan cu a traha riba e proyecto pa awe e scol tin un bunita logo. Masha pabien cu e bunita logro aki y boso por conta cu nos sosten. E mandatario di Enseñansa y Deporte a finalisa su discurso cantando e himno di Imelda Kleuterschool.