Paradera – Diasabra marduga mientras unidadnan di rescate tawata cabando cu nan trabounan poco pabou di rotonde di Piedra Plat, a sosode un otro accidente ariba e mesun caminda poco mas pabou.
Yaris a baha caminda algo prome cu 4:30
Na prome instante a papia cu auto lo a ranca palo di luz, bomberonan poco mas pariba(na Piedra Plat) tawata cla si mester a drenta accion un biaha mas.
Na yegada di polis no tawata trata di ningun auto cu a ranca palo di luz.
Polisnan a bin topa un Toyota Yaris cu un chauffeur masculino na stuur, mesun momento un Paramedico den e Rapid Response a yega debi cu e tawata na Piedra Plat yudando den e accidente serio.
Paramedico a pone monitor
Mesora e Paramedico a sigui cu protocol y a pone e machine, pa esaki por controla e chauffeur cu a keda den auto sinta.
Automobilista pasando a baha yuda y bati alarma, momento cu e la nota cu e auto esta e Yaris lo tawata pega contra un mata di Kwihi.
E lo a ripara cu e chauffeur no ta bon y a avisa polis segun e la conta nos na e sitio.
Paramedico a opta pa pidi pa un ambulance mirando cu e machine tawata indicando cu e chauffeur ta malo.
E momento eynan no por a saca afo si e chauffeur lo por tawata bou influencia of si ta malo e la bira tras di stuur bahando caminda na man drechi y termina contra un mata di kwihi.
Ambulance a presenta y a hiba e chauffeur Spoed Eisende Hulp pa mas observacion.
