Dama herida despues cu e la perde control cu su auto, bahando caminda y bay termina den mondi

Seroe Pita:
Diasabra den careda di 3 or y 45 di marduga, un rato despues di e accidente serio na Piedra Plat, a sosode un otro accident a sosode na Seroe pita.

Un auto cu dos ocupante pasando e crusada bayendo direccion nort a perde control.

Pa un of otro motibo e chauffeur a baha caminda cu su auto y e tire a pega den e tera canto di caminda. Esaki a pone cu e chauffeur a perde control unda cu e auto a bay pega den un mondi pariba di caminda. Durante cu esaki a pasa e vehiculo lo a bira y keda cara pazuid di unda e tawata bin.

Ambos ocupante di e auto despues di e impacto mesora a logra sali for di e auto. Un di e ocupantenan tabata herida, unda cu na yegada di polis a haya un dama ariba suela drumi ariba su banda drechi.

Paramediconan cu a yega e sitio despues di a haci algun control y mirando cu e victima ta halando rosea pero no tawata comunica cu nan a opta pa bay cu ne Hospitaal.