Piedra Plat – Diasabra marduga den careda di 3:30 alarma a wordo bati pa un accidente hopi serio pabou di rotonde di Piedra Plat.
Den e accidente aki unda un Bus a bolter.
Yegada di Polis
Na yegada di polis a constata cu tin 2 hende herida, ambos ta chauffeur di e dos vehiculonan.
Un di e vehiculonan tawata un Auto Bus(cu ta core ruta di Santa Cruz) cu ta esun cu a bolter y e otro tawata un Toyota Vitz.
Ambos chauffeur pega den e autonan
Asistencia di Brandweer tawata necesario debi cu ambos chauffeur a keda pega den e autonan y Paramediconan so no por a saca esakinan.
Dos Unidad di Brandweer
Prome a yega un unidad di Brandweer y un rato despues e Materiaalwagen mes.
Akinan a bay over pa saca chauffeur di e auto bus prome cu lo tawata esun mas serio.
Specialista di trafico pidi
Specialista di trafico tambe a presenta pa asina investiga con e accidente aki por a sosode.
Tres ambulance
Na final e dama chauffeur di r Vitz mester a warda basta, debi cu tur tres ambulance cu tawata disponibel pa e Isla e momento eynan tawata ocupa.
Durante cu e accidente aki a sosode, algun minuut prome a sosode un accidente cu hende herida ariba Avenida Nelson O.Oduber, pues ambulance tawata bezig eynan.
Algun minuut despues di e accidente serio na Piedra Plat, un otro accidente a sosode panort di e crusada di Sero Pita. Eynan tambe tawata tin hende herida y un ambulance mester a sali pa eynan tambe.
Pues dado momento debi cu diferente accidente a sosode na e mesun momento ambulance a bira “schaars”.
E accidente mes mirando con e vehiculonan a keda nos por bay den e direccion cu velocidad hopi halto a hunga un rol grandi.
Ambulance a transporta ambos herido cu fuera cu nan a haya hopi sla y fractura, nan condicion ta stabil.
