‘SARAH-QUITA ta ricibi e di 2 EDICION di e BUKI DI PRET NA UN SCOL BASICO.’ Ariba diabierna 3 di juni 2022 e 17-biaha campion mundial di windsurf, Sarah-Quita Offringa a ricibi e di 2 edicion di e BUKI DI PRET na e scol basico Cacique Maquarima School. Sarah Quita ta respalda e mision di e Buki di Pret y a ricibi e buki cu hopi entusiasmo. “Buki di Pret a pensa realmente ariba tur hende! El a bisa lo siguiente: “E ta un super bon oportunidad den cual un mucha por wordo desafia pa purba algo nobo. Na e manera aki, como mucha, bo por haya sa pa bo bo mes, kiko bo ta haya leuk pa haci. Tin asina hopi aktividadnan. Esey mi ta haya super leuk! Mi mes lo tin gana di por a participa na un di nan!”
BUKI GRATIS CU 60 DIFERENTE ACTIVIDADNAN Y OFERTANAN
E Buki di Pret ta un buki gratis yen di actividadnan divertido, sorprendente y educativo, valido durante e vakanti grandi, special pa e muchanan di scolnan basico na Aruba. E aña aki tin 60 diferente actividadnan y ofertanan pa por scoge. Mayoria di e actividadnan ta wordo ofreci mas biaha durante di 5 siman, cu como resultado tin un calendario di actividad cu mas di 100 momentonan divertido durante vakanti grandi!
HACI ACTIVIDADNAN POSIBEL Y DISCUBRI TALENTO
E meta tras di e Buki di Pret ta pa duna mas tanto cu ta posibel, muchanan Arubiano den e edad di 6 te cu 13 aña un vakantie grandi divertido! E buki ta ofrece un cantidad di actividadnan: di deportivo y relahante te cu creativo y educativo. Tambe tin actividadnan cu animalnan y ofertanan pa cuminda dushi y bebida.
Door cu e buki ta skirbi den mas idioma (Papiamento, Hulandes y Ingles) tambe ariba e tereno aki e ta accesibel pa tur hende. E iniciadonan ta spera cu e buki lo activa muchanan y nan mayornan pa descubri e actividadnan divertido cu Aruba ta ofrece y stimula muchanan pa descubri nan interes y talentonan. Danki na e buki unico aki yen di actividadnan y ofertanan accesibel, pagabel y hopi biaha hasta gratis, esaki ta posibel pa tur mucha, independiente di nan situacion financiero!
DI 9 TE CU 17 DI JUNI REPARTIMENTO NA SCOL
Despues di a hiba un aña di piloto na 2021 exitoso, den cual e Buki di Pret a wordo reparti na 2.600 mucha, a wordo logra pa e aña aki reparti na tur mucha (casi 9.000) di e scolnan basico na Aruba. Entre 9 te cu 17 di juni 2022 e inciciadonan hunto cu boluntarionan na e
scolnan pa reparti e bukinan. Tambe e muchanan cu ta siguiendo educacion special y educacion na cas, no ta wordo lubida.
POWERED DOOR DI ORGANISACIONAN Y ASOCIACIONAN LOCAL
Empresarionan, organisacionan, fundacionan y asociacionan na Aruba a wordo puntra si nan kier a participa pa medio di un compensacion chikito y pa nan inventa y organisa un actividad accesibel. Banda di e organisacionan activo aki, e Buki di Pret tambe ta haya sosten di algun sponsornan. Pa medio di esaki Fundacion Buki di Pret kier a gradici tur hende cu a haci e Buki di Pret posibel. Si tin negoshinan of sponsornan cu ta interesa pa sostene nos otro aña, nan por tuma contacto cu [email protected]
TAMBE PA ESUN CU TA KEDA CAS
Durante e seleccion di e actividadnan a tene cuenta cu e hecho cu no ta tur hende ta dispone di na propio transportacion. Pesey e actividadnan ta wordo organisa lo mas cu ta posibel na diferente luga na Aruba. Tambe a wordo pensa riba e muchanan cu a pesar di esaki no por bishita e actividadnan; special pa nan e buki ta contene kleurplaat, weganan y puzzelnan y tambe tipnan pa actividadnan di mucha cu bo por haci durante henter aña gratis. Pa mas informacion tocante e Buki di Pret nos ta referi bo na facebook.com/bukidipretaruba
