Home Local Bo ta buscando e amor di bo bida? Ata bo chens e...

Bo ta buscando e amor di bo bida? Ata bo chens e fin di siman aki!

SHARE
 
Fundacion Nine Lives Aruba tin dos tremendo actividad pa asina recauda fondo pa nan por sigui cu nan trabou di rescata y cuida pushinan di caya y alabes yuda e animalitonan aki haya un mihor futuro.
Adoption Day
Diasabra lo tin un Dia di Adopcion na Bestial Pet Shop na Tanki Flip 119, lokaal 1. Aki lo bo tin e posibilidad di cera conoci cu e proximo amor di bo bida. Lo tin diferente pushi presente di diferente grandura, color y edad y pa solamente 60 florin bo por hiba bo mascota nobo cas.Tambe bo por cera conoci cu Firulais, un Cocker Spaniel di 5 luna biew cu ta buscando un hogar pa nan dun’e amor y atencion.
Garage & Plant Sale
Diadumingo 5 di juni for di 10or di mainta te cu 5or di atardi bo por pasa na Jaburibari 8-b, schuin dilanti Parke Curason y mira tur e articulonan di cas, buki, asesorio, zapato, paña y hopi otro cos mas cu lo tin na benta. Sin lubida e tur e bunita matanan cu Geraldine a planta cu hopi amor y cariño pa asina abo por hiba cas na un bon prijs. E biaha aki e actividad lo tin un sorpresa  adicional: cu cada compra di 10 florin bo lo haya un raffle ticket pa asina participa den e rifa di un gift certificate di 100 florin di Superfood. Diadumingo anochi pa 8pm nan lo saca e ganador en bibo via di nan facebookpage Nine Lives Aruba Foundation KvK#S1631
Asina ta no perd’e e chens di adopta un compañero fiel y/of cumpra hopi producto di bon calidad na un bon prijs y di e forma aki contribui na e cuido y rescate di pushinan riba caya.