Home Local UPDATE PERIODO DI TEST PLANTA RECIP IV

UPDATE PERIODO DI TEST PLANTA RECIP IV

SHARE

Oranjestad

Ta un placer pa informa cu e periodo di testmento di planta RECIP IV a tuma lugar exitosamente y sin interupcion di suministro di coriente. A haci diferente test riba e sistema cu ambos tipo di combustible, esta “LFO & HFO”, pa asina por a determina SI tur ekipo ta funciona debidamente. Durante e proceso a experencia algun contratiempo cu cierto ekipo cual a atende debidamente. E ultimo testnan a keda completa dia 26 di mei ultimo. Segun planning, a pasa pa e siguiente paso, cual ta pa conecta e planta RECIP IV permanentemente riba WEB su sistema di produccion. Actualmente ta eherciendo e “Trial & Performance Test Run” cual ta programa pa 8 dia largo. E “Trial & Performance Test Run” lo defini si e planta ta funciona segun parametronan pre-difini. Dia 29 di mei, anochi pa prome biaha e planta RECIP IV a sa di core cu un capacidad maximo di 100%, produciendo 102 MW di corriente! E “Trial & Performance Run” ta programa pa caba dia 4 di juni proximo.
Cu planta RECIP IV riba liña, WEB por inicia e proceso di desmantela e antiguo unidadnan di vapor den futuro cercano, reduci e consumo di HFO (20-25%), reduci emision di CO2 y percura pa un suministro mas confiabel.
Un PABIEN na e teamnan di coleganan di diferente departamento, hunto cu e team di Wärtsilä pa tremendo teamwork y dedicacion!