Home » EZ Air cu Happy Hour pa gradici agencianan di viahe na Aruba

EZ Air cu Happy Hour pa gradici agencianan di viahe na Aruba

by Admin
0 comment 123 views

Agencianan contento cu e servicio y mas importante semper na tempo

 

 

Diabierna atardi team di EZ Air a tuma e oportunidad pa den forma di un “Happy Hour” gradici personalmente tur e agencianan di viahe na Aruba pa nan sosten y tremendo cooperacion. E tremendo “Happy Hour” a tuma luga na Patio 15 den un esfera super agradabel.  Vice- presidente di EZ Air, sra. Sueyenne Dammerman conhuntamente cu representante di EZ Air Aruba Sebastian Montañez a tuma e oportunidad pa personalmente gradici cada agencia presente mirando cu sin nan sosten e exito di nan no lo tabata posibel. 

 

 “Na 2019 EZ Air a cuminsa traha cu tur agencia di viahe na Aruba, y aunke e pandemia di Covid-19 a bati na porta y a manda nos plat pa casi 2 aña awe por mira bek na un cooperacion exitoso”, asina sra. Dammerman a expresa. Na momento cu EZ Air a cuminsa brinda servicio tabatin avion di 18 pasahero cu tabata bula entre Aruba, Boneiro y Corsou. Despues di e pandemia nos a mira e necesidad pa expande y pues a bende e avionnan mas chikito y a adkiri avion di 34 pasahero. 

“Nan ta super servicial, semper na tempo y nos clientenan ta gusta EZ Air paso awo nan tin e avion mas grandi cu ta brinda e comodidad y pues nan no ta sinti nan mes den fastioso den un avion chikito”, asina Rashel Thijsen di Maduro Travel Aruba a duna di conoce. 

 

Aworaki EZ air ta bula islanan ABC y alabes a añadi e rutanan di Barranquilla y Medellin. Nan vision pa futuro ta pa amplia e rutanan cu ta sali for di Aruba y cuminsa bula directamente pa Barranquilla, pero pa cu esaki ainda nos ta mirando e mercado prome tuma decision final. Pero si nos ta contento di por bisa cu pronto EZ Air lo cuminsa bula directamente pa Riohacha, Colombia. 

 

“Nos ta sumamente contento cu nos tin EZ Air cu ta duna nos clientenan un otro alternativa pa rutanan via Corsou pa asina bay Barranquilla of Medellin. Esaki ta haci’e mas facil si por ehempel bo kier bay algun dia Corsou y djey bula bay Barranquilla. Por imagina si bo tin yiu chikito un Aeroporto manera di Bogota por ta hopi grandi y pues por scoge pa haci di dje un trip cu dos stop y mas comodo pa e famia cu e connecting flight”, Patricia Salcedo di Jasaba Representaciones a expresa. 

 

EZ Air tin su oficina situa na Caya G.F. (Betico) Croes 211-T, por subi nos pagina di Facebook of www.flyezair.com of por yama nos na 569 1900 pa mas informacion. Un bes mas un danki ta bay na comunidad di Aruba y tambe na e agencianan di viahe pa tur e sosten ricibi cu a contribui na e e exito di EZ Air. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio