Home Police Señora a keda pega den auto: Tres persona herida den accidente pisa...

Señora a keda pega den auto: Tres persona herida den accidente pisa ariba rotonde di Solito

SHARE
Kamerlingh Onnesstraat – Diasabra anochi 7:30 pasa un accidente pisa a sosode ariba e rotonde di Solito, cu ta cerca di stadion di RCA.
Unidadnan di rescate y polis a sali mesora

Informacion a sigui drenta cu ta trata di un accidente serio, unda tin tres hende herida di cual un ta pega den auto.

Caminda mester a wordo cera

Mirando unda e autonan a keda tawata memey di caminda, pues niun trafico por a pasa.

Con e accidente a sosode

Ariba imagen di video cu nos a mira tawata mustra con e Toyota Corolla cu un señora na stuur y dos mucha ocupante a subi rotonde for di pabou, y for di panort e truck di BSL Laundry a subi cu velocidad halto dal y lastra e Toyota bay zuid cu ne.

Materiaalwagen, Ambulance, Slachtofferhulp y hopi polis

E truck a keda pega contra e Corolla, e dos hobennan a wordo saca nan tawata herida cu algun corta.

Bomberonan mester a drenta den accion mesora, pa asina saca e señora di e situacion cu e tawata aden.
E no a bay facil.
Durante cu nan tawata bezig liberando e señora, e truck mester a wordo hala pa asina tin mas espacio pa traha.

Saca for di banda di pasahero

Despues di basta rato a saca e señora for di banda di pasahero y Paramediconan a tume over y hinke den ambulance.

Famianan a yega durante cu bomberonan tawata trahando pa libera nan ser keri, y mas cu claro e no ta algo facil pabo presencia.
Janine Rodriguez di Slachtofferhulp tawata na e sitio y mesora a usa su experticio pa papia cu e famianan y calmanan.

Chauffeur y alabes empleado di compania di laundry no a resulta herida, pero tur esnan den e Corolla a wordo transporta pa Hospitaal.