Home Politics MINISTER ENDY CROES A FIRMA ACUERDO PA EXTENDE KLM ARUBA MARATHON PA...

MINISTER ENDY CROES A FIRMA ACUERDO PA EXTENDE KLM ARUBA MARATHON PA 3 AÑA MAS

SHARE

Den presencia di colega Minister Dangui Oduber, CEO di Aruba Tourism Authority. sra. Ronella Croes, IBISA y Run in the Sun, cu ta e stichting cu ta organisa e KLM Aruba Marathon, Minister Endy Croes a firma e acuerdo pa extende e KLM Aruba marathon pa 3 aña mas.

Esaki pa di 4 biaha, cu por core 42 km, 21km, 10km y 5 km. Lo bay tin coredornan internacional presente, cu lo participa den luna di juni proximo. Den un bon colaboracion a yega na un contrato pa extende e KLM Aruba marathon pa tres aña mas, pa 2023,2024 y 2025, di e forma aki garantisa e continuidad di e evento magestral aki pa locual ta un deporte hopi gusta pa hopi hende y alabes ta un forma saludabel pa mantenebo mes den bon condicion.

Minister Endy Croes finalisando a agrega cu IBISA ta esun cu tin un rol hopi importante den esaki cu ta e parti organistorio di e marathon.

Minister Endy Croes a gradici stichting Run in the Sun cu ta brinda e oportunidad pa e marathon aki. A.T.A. pa su contribucion, Minister Oduber y sigur tur e stakeholdernan, IBISA y tur patrocinadornan cu ta haci esaki posibel.