Home Police Dama deteni despues cu e la bolter cu auto na Sabana Liber

Dama deteni despues cu e la bolter cu auto na Sabana Liber

SHARE
Sabana Liber – Diahuebs mainta den careda di 6’or habitantenan den area di Sabana Liber a scucha un zonido duro, a resulta cu un auto a bolter.
Polis a sali pa e sitio

Patruyanan cu a yega e luga indica a bin topa un auto marca Honda color shinishi ariba su banda.
Na stuur tawata un dama cu no tawata herida.
Asina mes polis a opta pa un ambulance pa controla e dama.

Con e accidente a sosode

E dama na stuur di e Honda tawata bayendo direccion pabou, momento cu e la perde control baha caminda na su man drechi.
Akinan e vehiculo milagrosamente a pasa cerca di un cura di cas y ta hera un palo di luz pa bay termina den entrada di un otro cas ariba su banda. Por a mira cu e auto a ranca full un mata grandi cu a keda benta dilanti e cas.

Ambulance

Na yegada di Ambulance e Paramediconan a controla e dama, pero e dama a nenga pa bay Hospitaal pa un control.

Aki ta unda cu polis a dicidi di bay usa Alco Sensor e famoso test di alcohol. Segun e dama e la caba di traha.

Y manera e agentenan a pensa, e test a sali cu e la surpasa e ųgl stipula pa ley. E la wordo deteni y a pidi transportwagen.
Na yegada di transportwagen e la cana subi e vehiculo bou lagrima.