Home » Parlamentario Marco Berlis (MEP): Gobierno ta logra convence Hulanda pa duna empleadonan publico nan 5% bek

Parlamentario Marco Berlis (MEP): Gobierno ta logra convence Hulanda pa duna empleadonan publico nan 5% bek

by Admin
0 comment 95 views

 

Gabinete Wever-Croes II trahando duro pa hiba Aruba bek na normalidad

 

Un logro grandi pa nos trahadornan publico

Algun dia pasa nos premier a informa pueblo cu den combersacionan cu Staats Secretaris van Huffelen a yega na un acuerdo cu lo duna e 5% mensual bek na e trahadornan publico entrante prome di Juli 2022. Esaki sigur ta un logro hopi grandi. E trahadornan publico a para solidario cu pais Aruba den su momentonan di mas dificil y ta mas cu corecto cu nan ta ricibi nan salario 100% bek. Esaki sigur semper tabata e vision di Gabinete Wever Croes, cu a percura di presupuesta e placa necesario pa por haci esaki un realidad. Si no a presupuesta e 5% aki, no lo por a realisa esaki, aunke lo a haya aprobacion di Hulanda. Esaki sigur tawata un di e motibonan pakico nos di Fraccion MEP a vota pro presupuesto 2022.

 

AVP cu un rueda di prensa pa exigi 12.6% wordo duna completo

Mi a tuma nota cu AVP ta rabia pasobra awor nan no por hunga politica cu e 12.6% mas. Awor ta exigi pa 12.6% wordo duna completamente bek, siendo cu nan mes a vota contra e ley di presupuesto cu awe ta garantisa cu empleadonan publico por haya nan 5% bek. E ta keda un tristo realidad cu AVP ta keda hunga politica cu dolor di trahadornan publico, cu awor tin speransa atrobe. Si tur cos bay manera debe ser, e presupuesto di pais Aruba pa 2023 lo mester keda aproba pa September 2022. Den esaki sigur lo bay presupuesta e 12.6% completo pa asina garantisa cu na Januari 2023 por duna empleadonan publico tur beneficio y salario completo bek. Pa e 12.6% por wordo paga legalmente pa e Gobierno di Aruba, esaki mester ta den e presupuesto di pais Aruba. Asina Gabinete Wever-Croes II ta keda lucha pa restaura nos pais paso a paso, segun nos economia ta permiti. Nos ta riba e bon caminda, pero nos no a yega ainda. Lastimamente den e crisis di cu AVP e hinca nos pais 2009-2017 nunca nan e kita e 30 medidanan cu nan a suta pueblo cu ne!

 

E tres condicionan imponi pa Hulanda pa por duna e 12.6% bek

Hulanda a impone tres condicion pa e recorte di 12.6% por wordo duna bek;

  1. Politiconan mester keda entrega nan 25%
  2. Mester pasa e ley LNT (topinkomens) den Parlamento na July 2022.
  3. E pago di e 5% mester ta den pais Aruba su presupuesto.

Ta palabra den Parlamento cu politiconan lo sigui aporta e 25% pa empleadonan publico por haya nan salario completo bek. E Ley di LNT tambe lo wordo trata prome cu e fecha final exigi pa Hulanda. Tambe e 5% cu tur empleado publico mester haya bek, ta den nos presupuesto. Asina aki e gobierno actual ta mustra responsabilidad cu su trahadornan y pueblo di Aruba en general.

 

Si pueblo desea mas informacion di e articulo aki, contact mi na tel: 528-4639 of email mi na: [email protected] / Bo parlamentario y sirbidor di pueblo na bo ordo semper, sin nada di sconde!

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio