Home Police Ariba caminda di Camacuri: Accidente serio a laga dos chauffeur herida diadomingo...

Ariba caminda di Camacuri: Accidente serio a laga dos chauffeur herida diadomingo mainta

SHARE
Camacuri – Diadomingo den orana di mainta polis y varios ambulance a sali direccion Aruba Bank na Camacuri pa un accidente frontal.

Tawata algo prome cu 9:30 di diadomingo mainta cu polisnan ta yega ariba e caminda di Camacuri pa haya dos vehiculo cu hopi daño material.

Honda y Toyota

E autonan envolvi tawata un Toyota Corolla y Honda.
Locual nos a compronde na e sitio tawata cu e Honda tawata bayendo direccion pariba y dado momento e lo a hala bay na su man robes, y ta dal contra e Corolla maneha pa un señora.

Dos persona herida

Ambos chauffeur a resulta herida den e accidente aki cu a laga hopi daño material atras.

Dos ambulance y e pick up di Imsan a presenta pa atende cu ambos chauffeur, cu despues di a stabilisa ambos y tuma declaracion a sali direccion Hospitaal cu nan.

Polis di trafico

Na e sitio a presenta polisnan di trafico cu tawata tin e tarea pa haci e investigacion y por a miranan compila datonan principalmente di e Honda.

Ambos auto lo tawata tin mester di takelwagen pa hibanan di e sitio.