Home » Ex Minister di AVP y POR, Sr. Otmar Oduber lo ta bek den libertad

Ex Minister di AVP y POR, Sr. Otmar Oduber lo ta bek den libertad

by Admin
0 comment 50 views

Santo Patia: Diabierna den oranan di mainta famia di Sr. Otmar Oduber a wordo poni na altura cu durante dia, Otmar lo wordo poni bek den libertad.

Esaki ta un desicion cu Hues Comisario a tuma, pa laga Sr. Oduber den libertad, mirando cu no lo tin suficiente motibo pa e sigui ta encarcela.

Ministerio Publico encambio no lo a keda mucho contento cu e desicion aki y awo ta pensa di bay apela contra e desicion cu Hues Comisario a tuma.

Sr Otmar Oduber a wordo deteni riba 10 di mei ultimo, den oranan di mainta, na momento cu e la wordo invita pa presenta na oficina di Landsrecherche. Despues di un siman di tur dia interogacionnan pisa, e la wordo traslada pa KIA y e interogacionnan a continua.

Awe diabierna 20 di mei despues di 10 dia di ta deteni Hues comisario ta haya ta suficiente y a tuma e desicion di laga Sr. Oduber den libertad.

Te na e momento nan aki no ta conoci si Otmar Oduber lo keda un sospechoso, compara cu su dos ex coleganan di partido AVP, sr. Paul Croes y sr. Benny Sevinger, cu si a keda algun luna encarcela y tambe a keda como sospechosonan principal den nan casonan. Den e caso di Ex Minister di AVP Paul Croes tin su sentencia caba, pero a bay cassatie y Sr. Sevinger apenas su caso a inicia den corte.

Ministerio Publico lo mester bin cu suficiente prueba fuerte pa por hustifica e motibo pakiko nan lo kier pa Sr. Oduber sigui keda encarcela.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio