Home Local Aruba Bank a haci entrega di lunch na team di Ambulans En...

Aruba Bank a haci entrega di lunch na team di Ambulans En conexion cu Siman di Ambulans

SHARE

Oranjestad – Durante full aña nos isla ta conta cu nos trahadornan di ambulance, cu ta duna tur di nan parti pa brinda un servicio di emergencia di calidad, na momento cu esaki ta necesario. Nan ta disponibel pa nos, 24 ora pa dia, tur dia di siman. Nan esfuerzo ta di admira.

E siman di Emergency Medical Services Week, ta e siman di 16 pa 22 di mei. Esaki ta un siman di consientisacion y di reconose e trabao cu e trahadornan aki ta eherce, un trabao di admira, y cu sigur nan ta haci cu hopi amor.

   Diahuebs, 19 di mei, esnan di Aruba Bank a bishita e grupo di trahadornan na e Ambulans Wayaca Station pa nan ricibi un ‘token of appreciation’, den forma di lunch cu nan coi bebe. Di e forma aki Aruba Bank kier gradici cada un trahador pa nan trabao, y alavez kier trece conscientisacion ariba e importancia di mantene nos mes safe, y yuda otro na momento y di e forma cu nos por.

Riba e imagennan por mira momento cu representantenan di Aruba Bank ta haci entrega oficial di e gratitud aki na trahadornan di Ambulans.