Home Police Door di un kortsluiting, wayanan di un walk in cooler a pega...

Door di un kortsluiting, wayanan di un walk in cooler a pega candela

SHARE

Caya Ernesto Petrona, Oranjestad:
Diamars algo despues di 5’or y mey di atardi, presencia di brandweer y polis a wordo pidi cu hopi urgencia na un adres den Caya Ernesto Petrona. Esaki pa motibo di un candela patras di un apartamento.

Na e sitio nos a bin compronde cu e wayanan di un walk in cooler a pega candela despues di un kortsluiting, brandweer a yega hopi lihe na e sitio y door di a actua hopi lihe, e candela no a haya chens di expande hopi. Polis a cera e caminda pa trafico pa asina e truck di brandweer por a para riba caminda y e personal di brandweer por a haci nan trabou den tur trankilidad.

Hopi lihe e candela a wordo domina y paga, pa e motibo aki e Walk in Cooler di Koolman’s Flowershop no lo a ricibi hopi daño y ainda lo por wordo drecha.