Home Sports Impact Taekwondo preparando pa San Nicolaas Taekwondo Cup

Impact Taekwondo preparando pa San Nicolaas Taekwondo Cup

SHARE
 
Impact Taekwondo di nos atleta Olimpico Monica Pimentel ta preparando pa San Nicolaas Taekwondo Center su campeonato di dia 4 di Juni 2022.  
 
Despues di 2 aña Master Eric Barry di San Nicolaas Taekwondo Center ta organisa un campeonato y a invita tur e scolnan di Taekwondo na Aruba pa participa den e campeonato aki. E campeonato ta bay tuma luga den Joe Laveist Sport Park y ta cuminsa for di 10’or di mainta.
 
Monica Pimentel y Stuart Smit ta preparando un team di Impact Taekwondo pa enfrenta e otro scolnan di Taekwondo. Monica Pimentel su meta ta pa gana e Copa di Best Team. Impact Taekwondo ta conta cu varios aspirant cu ta cla pa e reto di combate.