230
Watty Vos Boulevard – Diadomingo anochi den careda di 8’or polis mester a bay poco panort di rotonde na Wayaca, unda un pick up lo a ranca un palo di luz.
Pick up Avalanche no a keda
Na yegada di polis nan a haya informacion cu lo ta trata di un pick up Avalanche y cu esaki despues di comete basta destruccion a sigui bay.
Palo di luz
E pick up aki lo a hala na su man robes, rancando varios bloki y pa na final ranca un palo di luz, lagando e benta ariba caminda.
Polis a busca
Polisnan a busca unda e auto tawata bayendo, pero no a bin logra hay’e debi cu lo a bay sconde.
E parti bon ta cu autoridad tin e number di e auto y mas cu claro unda e ta registra pues e lo mester bay deal cu polis laat of trempan.
Polis di trafico hunto cu patruya di Playa tawata unda e auto a comete e destruccion y a warda un rato pa e team encarga cu Watty Vos Boulevard yega pa nan ruim op.
