Home Local Eclipse Total di Luna Saros 131 Dia 15 y Dia 16 di...

Eclipse Total di Luna Saros 131 Dia 15 y Dia 16 di Mei 2022 aki na Aruba

SHARE

 

Pa medio di e comunicado aki di asociacion nacional arubano di astronomia Aruba Astro Research Int,  den calidad como presidente y astronomo y alabes representante y responsabel pa cu e tereno di astronomia aki na Aruba  Sr.Marcos Bislip ta informa cu Diadomingo Dia 15 di Mei 2022 den oranan di anochi y Dialuna marduga di Dia 16 di Mei 2022 lo tuma lugar un Eclipse Total di Luna Saros 131 e di 34 famia di e 72 di e famia Saros 131 e eclipse mes lo inicia cu tres fase Diadomingo Dia 15 di Mei anochi esta Penumbra, Parcial y Total na unda cu pa 9:32:05 di anochi ora local na Aruba AST Atlantic Standard Time lo inicia e Penumbra cual ta e sombra leve di planeta tera aiba e superficie di e Luna.Mientras cu pa 10:27:52 di anochi na Aruba ta inicia e Eclipse Parcial di e Luna y pa 11:29:03 di anochi ta inicia e Eclipse Total di Luna y pa 12:11:28 di mei anochi di Dialuna Dia 16 di Mei 2022 lo tuma lugar e parti Maximo di e Eclipse di Luna cu un magnitude di 1.414 na e momento ey e sombra di e Planeta Tera ta cubri e superficie di e Luna 100% Loke nos ta jama Blood Moon.

Pa 12:53:55 di marduga di Dia 16 di Mei 2022 e Eclipse Total di Luna ta termina y pa 1:55:07 di marduga e Eclipse Parcial di Luna ta termina y pa 2:50:49 di marduga e Eclipse Penumbra di e Luna ta termina.Despues di 2:50 di marduga e Luna ta full liber for di e sombra di planeta tera.

E sombra ta bin for di direccion pabou pa pariba y ta inicia na P4 cual ta e inicio di e Penumbra pa 9:32:07 di anochi di Dia 15 di Mei 2022 y e sombra completo di planeta tera ta bandona e superficie di e Luna completo pa 2:50 di marduga di Dia 16 di Mei 2022 aki na Aruba.

E DURACION TOTAL DI E EVENTO TA DI 5 ORA Y 19 MINUUT.

DURACION PENUMBRA TA 1 ORA Y 51 MIN.

DURACION ECLIPSE PARCIAL TA 2 ORA Y 2 MINUUT.

DURACION ECLIPSE TOTAL TA 1 ORA Y 25 MINUUT.

MAGNITUDE DI ECLIPSE TOTAL 1.414 AT 12:11:28 

MAGNITUDE DI PENUMBRA ECLIPSE 2.373

Areanan cu lo observa e evento di Eclipse Total di Luna Saros 131 100% Dia 15 y 16 di Mei 2022 ta como lo siquiente: 

Full Sur America, Caribe, Centro America, Full parti pariba di Merca, Oceano Atlantico y Oceano Pacifico un parti.

Tambe nos kier a informa cu tur cos ta depende di e condicion di e tempo.

Sperando cu e tempo por coopera pa nos por observa un bunita evento celestial di un Eclipse Total di Luna den nos region. 

ARUBA ASTRO RESEARCH INT. y Sr.Marcos Bislip lo saca potret, y lo haci grabacion di video di e Eclipse y lo purba di transmit e imagennan di e evento ariba facebookpage y Aruba Astro Research Int. su webpage nobo lo tin transmicion live for di Merca y otro paisnan.Pa mas informacion of entrevista por tuma contacto cu Sr.Marcos Bislip na e number di telefon di Aruba Astro Research Int. na 5629407 of via email na arubaastroresearch@gmail.com

 

Saludos Cordial,

 

Marcos Bislip

Presidente di directiva

Aruba Astro Research Int.