Home Police Dama tras di stuur y bou influencia a ocasiona accidente diasabra marduga

Dama tras di stuur y bou influencia a ocasiona accidente diasabra marduga

SHARE
De LaSallestraat – Diasabra marduga polis a bay poco pabou di rotonde di Sero Blanco, unda un boksmento sin hende herida a sosode.
Seguro na e sitio

Seguro cu ta esun cu tawata prome a mira cu un di e chauffeurnan envolvi ta bou influencia. E autonan envolvi tawata un Nissan Skyline y Hyundai Accent.

Dama na stuur di e Skyline

Na e sitio nos a compronde cu e dama na stuur di e Skyline sea a bay reverse of subi e acera pero debi cu e auto ta basta abou lo haci’e sin pura y sin pone tino ariba trafico.

Aki ta unda e Hyundai Accent a contra e banda drechi di e auto.

Di e manera aki e personal di seguro cu a presenta por a constata cu e dama ta bou influencia.

Polis na su yegada

Agentenan cu a yega mesora a capta esey tambe, despues di un conversacion breve cu e dama a pidi pa un Alco Sensor.
Despues cu e la supla a bay over na detencion di e dama pa core auto bou influencia.

Segun e dama e nunca a haye den sorto di problema manera esaki y ta debi cu un famia cerca lo a fayece y aparentemente lo a pone bebe y core auto burachi.

E la wordo presenta dilanti un Sub Fiscal cu kizas lo bay tende e mesun version.