Home Police Buskeda di mucha homber (14) den area di Pos Abou y Bushiri

Buskeda di mucha homber (14) den area di Pos Abou y Bushiri

SHARE

Un hobencito di apenas 14 aña a laga un carta atras den cual e la expresa di tin menos bon intencion cu su bida.

Pos Abou, Bushiri:
Diabierna den oranan di atardi, polis a cuminsa cu un buskeda rigoroso den area di Pos Abou y Bushiri, pa un mucha homber di 14 aña cu ta interna na Orthopedisch Centrum na Tarabana, e lo a huy y tabata tin menos bon intencion cu su bida.

E hobencito aki a huy for di e centro y lo a bay na su cas of un cas na Pos Abou. Despues cu e hoben a skirbi un carta den cual e la expresa cu e lo pone fin na su bida. Varios unidad di Polis a busca den e area aki.

E dia anterior e la huy caba y a bay pidi ayudo na Voogdijraad, pero nan a yama polis y a hibe bek Orthopedisch Centrum.

No ta descarta e posibilidad cu e hobencito aki lo por ta pasando of a pasa den algo y ta desea di wordo scucha, pero no lo ta hayando suficiente atencion pa su problema y door di huy y skirbiendo carta den cu e tin menos bon intencion cu su bida lo ta e forma cu e ta pidiendo atencion. Nos ta spera cu e lo por haya e atencion, trato y cuido pronto pa e por sigui un bida normal.

Muy probablemente e hobencito lo mester a wordo localisa, mirando cu polis a para e buskeda.