Home Police Laboratorio di droga desmantela na Paradera, un detencion, dos pickup yen cu...

Laboratorio di droga desmantela na Paradera, un detencion, dos pickup yen cu ekipo y mata di marihuana confisca

SHARE

Project Team Drugspanden a bishita un cas na Paradera, nan a topa cu un laboratorio di droga na e cas, a detene un sospechoso y tambe a confisca dos pickup yen di ekipo y matanan di marihuana.

Paradera: Diahuebs atardi, mientras cu entradanan hudicial tabata tumando lugar na diferente adres riba nos isla. Project Team Drugspanden a drenta un cas na Paradera. Na e cas nan a bin topa cu un laboratorio di droga.

Un persona a wordo aresta, mientras polis a cuminsa desmantela e laboratorio aki. Nan a confisca un cantidad grandi di matanan di marihuana y tambe ekiponan sofistica cu tabata wordo usa pa cultiva marihuana. Entre otro lusnan special, tanki di gas etc.

Na momento cu a bay kita e lusnan autoridad mester a pidi pa presencia di ELMAR pa yudanan desconecta e coriente di cas.

Autoridad a yena dos baki pickup completamente cu e matanan di marihuana y e ekiponan, tambe a confisca un auto.