Home Police Entrada hudicial na Cas Ariba, mas cu un persona lo a wordo...

Entrada hudicial na Cas Ariba, mas cu un persona lo a wordo aresta y varios articulo confisca

SHARE

Cas Ariba, Santa Cruz:
Diahuebs algo prome cu 6’or di atardi, por a mira un caravana di autonan di team di aresto, sigui pa recherchenan di droga, unidad di K9 di Douane y polis, M.E. (Mobiele Eenheid), Ministerio Publico cu a yega na un cas na Cas Ariba.

Durante e entrada hudicial aki aparentemente lo a detene mas cu un persona. Despues a cuminsa cu un huiszoeking, paden y pafo di e cas, den e cunucu banda di e cas tin un trailer aki den nan a busca y lo a confisca algun articulo. Polisnan a rista den e botonan, bou zim bieu, nan a rista den full e cunucu.

Mientras cu autoridad tabata ristando un homber a cana yega na e cas. Despues cu e persona aki a papia cu polis e la wordo aresta tambe, e recherchenan a transport’e den nan auto.

Na e sitio tabata tin varios recherche di departamento di droga presente. E entrada hudicial aki ta mustra di ta relaciona cu droga.