Home Police Charger posibel causa: Camber a kima por completo

Charger posibel causa: Camber a kima por completo

SHARE
Caya Frere Fredericus – Diabierna algo pasa di 11:30 di mainta Brandweer mester a drenta den accion na Caya Frere Fredericus pa un cas na candela.
Brandweer a yega

Na yegada di Brandweer por a mira cu un camber parti dilanti di e cas tawata completamente na candela.
Mesora bomberonan a drenta den accion pa evita expansion di e candela.

Habitante emociona

Polisnan cu a yega e sitio mirando e situacion di e habitante a solicita pa Slachtofferhulp y tambe un ambulance pa atende e señora cu tawata emociona locual ta logico y a caba di pasa den un susto enorme.

Posibel causa

Na e sitio por a compronde di hendenan papiando cu posiblemente un cellular lo por tawata charge ariba un cama y esaki lo por ta e motibo di e candela.

Si Brandweer no a yega na ora e candela lo por a expande y kima e cas por completo.

Slachtofferhulp a yega e sitio pa duna asistencia na e famia.

Daño material ta considerabel.