150
Den fin di siman Aruba Taekwondo Bond “ARTBO” a organisa les di Poomsae pa e atletanan. E les a wordo duna pa Master David Dubero y Master Melvin Rasmijn. Aruba tin solamente un atleta cu ta Jennifer Baez Garcia cu ta participando den Poomsae y cu ta rank # 6 di Mundo den su categoria.
Mirando cu Poomsae ta den weganan Olimpico ARTBO kier stimula mas atleta di Aruba pa participa den eventonan di Poomsae. Master Melvin Rasmijn y Master David Dubero a tuma e encargo over pa guia e atletanan pa sigui train nan pa e proximo evento di Poomsae.
Moices Fernandez Presidente di ARTBO a splica tur hende presente unda nan kier yega cu Poomsae pa motiva mas atleta pa cuminsa participa den Poomsae si nan no ta interesa den bringa combate. E proximo training ta dia 21 y 28 di Mei 2022.