Koningstraat/ Zuster Candidastraat
Dialuna anochi 9’or pasa polis a bay altura di San Francisco di Asis Pro-Cathedral, unda cu persona lo a wordo gedal cu un boter den su cara.
Koningstraat
Altura di e Cathedral mes polis no a topa ningun hende pero a sigui bay den Koningstraat y altura di Wit Gele Kruis Aruba a bin topa un homber, cu su paña tur na sanger.
Mesor polisnan a baha pa mira kiko tur a pasa y tambe check su herida.
Diferente version
Na e sitio e homber lo a bisa polisnan mas o menos kiko a sosode y mesora e segundo patruya cu tawata na e sitio a bay direccion unda e incidente a tuma luga.
Pazuid di e Cathedral
Polis na e sitio a topa cu un auto KIA color cora cu un muhe den dje. A resulta cu e muhe ta casa di e homber, segun e tawata bisa polis.
“Es mi marido”, tawata palabra di muhe. Polis a puntre y pakiko bo a cort’e.
Detencion
E muhe a wordo deteni pa maltrato serio. Transportwagen a wordo pidi pa hibe warda unda e lo wordo presenta dilanti un Sub Fiscal.
Pa loke ta e homber ambulance a yega Koningstraat y Paramediconan a tume over for di polis, unda cu mas sigur e lo mester haya algun stitches.
No ta conoci kiko a conduci na e maltrato serio aki.
