Home Police Un biaha mas: Un persona levemente herida den accidente ariba crusada di...

Un biaha mas: Un persona levemente herida den accidente ariba crusada di Sero Pita

SHARE
Sero Pita – Diasabra atardi un biaha mas polis di trafico a bay e crusada conoci na Sero Pita, por bisa e crusada principal pa un accidente cu hende herida.
Dos unidad di trafico

Na yegada di polis nan ta topa cu un pick up Nissan y un auto Honda.
Ambulance tambe tawata na caminda, debi cu chauffeur di e Nissan pick up tawata sinti poco dolor na ribchi y nek.

Den e Honda tawata tin un famia cu un baby, pero nan no a resulta herida.

Paramediconan a yega y a acerca ambos chauffeur pa putra si tur cos ta ok y a resulta cu ningun persona tawata mester asistencia di e Paramediconan. E ambulance a continua su caminda despues.

Accidente

Na e sitio nos a compronde for di chauffeur di e Nissan pick up cu e tawata bayendo nort direccion Tamarijn, momento cu e auto Honda a subi e crusada for di su banda robes dal contra su vehiculo.

Un impacto basta duro y por mira esaki con e Honda a keda y tambe nos por a tuma nota cu ambos airbag di e Honda a sali ora di e impacto.

Polisnan di trafico y tamve compania di seguro a tuma tur dato y tambe a zorg takelwagen yega y bay cu ambos auto.

Caminda a permanece cera pa un rato, pa motibo cu e autonan tawata parcialmente ariba caminda.
Agentenan mes mester a benta tera ariba azeta di motor cu a plama ariba e caminda.