Barcadera – Rancho Nel
Diabierna den oranan di mainta autoridad atento a capta un boto local den awa teritorial di Venezuela.
Esaki mas cu claro ta un red flag.
Proceduranan a wordo sigui
Autoridad competente a sigui monitorea e boto aki su movecion y unda e lo a bay drenta.
Dos patruya
Mirando cu Minister di Justicia lo a sinta tanto cu Kustwacht y Maritiem Politie, esnan na tera a sigui e procedura cu lo bay tin controlnan estricto ariba botonan sospechoso.
Na tera dos patruya di Playa a bay Rancho Nel na Barcadera unda cu na yegada ya e boto local yama Gifted a wordo saca di awa y poni ariba trailer.
No a laga e boto bay
Polisnan na Barcadera a duna instruccion cu nan tawata hayando pa no laga e boto move, te ora e wordo controla debidamente.
Basta ora a pasa
Despues di basta rato un agente di Douane a yega cu tawata esun pa haci e control necesario ariba e boto.
Douane tin e experiencia pa rista boto y esaki a sosode tambe.
Pero no a haya particular
Segun nos por a compronde e boto aki ta un cu move hopi lihe y por a mira esaki na e 2 motornan di 250hp.
Pues manera nos por wak, autoridad local hunto cu Douane lo a cuminsa cu controlnan ariba botonan sospecha di un of otro ilegalidad.
